【本報訊】選舉日跟蹤朱凱廸的4名被告，被捕後曾就遊蕩一事向警方作過不同解釋，包括遊車河、車朋友、捉精靈等。被告在社會服務令報告再講多一個理由，首次披露是次行動目的是有人要阻止朱凱廸勝出：「首被告話有一個佢認識嘅人，話可以防止證人（即朱）喺選舉勝出，如果搵到佢不規則嘅地方」。但報告沒交代姓甚名誰，亦不知是否就是案中主謀。
又指遊車河 又稱捉精靈
根據早前聆訊透露，充當司機的首被告黃堅輝在警誡下稱「遊車河食早餐，未揀定餐廳」，其後又出現不同說法，一方面稱受一名姓江的人指派「睇吓朱嘅選舉活動」，一方面又稱「兜吓圈，捉精靈捉咗兩個鐘」。
辯方大狀鄺其德解釋，被告與朱屬不同陣營，故希望找出朱的「不軌行動」從而令朱落選，在選舉過程中實屬正常，「冇理由望對方成功㗎」。辯方更謂「父母打仔女動機係好，但仍然犯法」，認為法庭不應集中考慮被告的犯案動機。
至於其弟次被告黃俊欽則曾向警方稱「跟阿哥去食早餐咋」。駕駛另一輛車的第三被告林家俊則稱「只係車個朋友去嗰邊買嘢咋喎」，又謂「未夠鐘飲早茶」，故在朱家附近等候。而負責偷拍朱的第四被告何義基則稱「10幾年冇返嚟香港，見有選舉影吓啫」。
■記者楊家樂