講咗好耐嘅亞洲足協U23外圍賽今日開波，港U22（圖）周日起程，有少少阻滯下周一安全抵達北韓平壤，今日五點喺五一體育場25,000主場球迷面前作客挑戰北韓，要搶分唔易，不過，港隊都算有地利，因為係踢到慣嘅仿真草。港U22周一到埗即操，而港隊南韓教練金判坤噚日帶操前先會北韓傳媒，仲係咁被追問踏足北韓有乜感覺，但佢就話希望首戰可以喺北韓身上搶分喎。