電台DJ兼歌手葉文輝 （啤梨） 決心搣甩「癡肥啤」稱號，重150.2磅、35.9吋腰圍的他，在健身教練及營養師的協助之下，花了5個星期，終於成功減了15磅。啤梨開心地表示：「冇咗15磅嘅純脂肪，我覺得我行路快咗好多，又冇咁扯蝦，個人精神咗。」
想似李小龍
啤梨除了勤力做運動，今次成功減磅，還有營養師出手相助，資深營養師吳耀芬（Kathy）表示：「啤梨成日去茶餐廳食飯，一碟碟頭飯，最肥就係啲汁，其實早、午、晚三餐正餐係最重要，食飽啲就冇咁容易食小吃。」
Kathy續謂：「減肥其實好多嘢都可以食，只要食嘅嘢去皮或者切咗啲肥膏、走汁，魚蛋米、牛丸米、雞絲米呢啲都可以食，如果覺得口淡，有啲辣椒汁、辣鮮露都可以食。」啤梨則笑說：「我𠵱家抹甩咗個癡字，仲係肥，我都要抹甩個肥。我𠵱家有個目標喇，就係我想好似李小龍咁嘅身形……認真㗎！」
5星期見效
啤梨由上月初開始減肥，至今剛好5星期，體能訓練專家Philip Wong表示，啤梨的脂肪由33%減至26%，即50磅肥膏減走了15磅左右，腰圍亦由35.9吋減走了大約4吋。他大讚啤梨成績比預期更好：「以運動醫學嘅角度一個正常健康減肥，係每個禮拜減兩磅，佢最難係腹部個core鍛煉，因為脂肪主要積聚喺中央。」
採訪：懷鈺
攝影：馮峰、Neo
場地提供：家營營養中心、Bio Fitness