【本報訊】踏入旅遊旺季，唔少港人外遊癮又發作，去旅行除咗買機票訂酒店，當然唔少得唱錢啦。記者今次為大家實測外滙格價App YBPay，睇吓唱錢有冇平到。
YBPay會羅列不同找換店的價格及其他找換商的參考滙價，用戶可根據價錢、地點、評分等，挑選最適合的找換店。值得留意的是，只有提供即時報價的找換商才接受鎖價落單。確認訂單後，用戶需在該日內到找換店舖以現金交易。
記者在7月5日實測試用YBpay唱錢，兌換金額是15,000日圓，選擇了提供最低滙率的金寶找換店，滙率是每百日圓兌港元報6.87，需付1,031港元。該平台同時會顯示其他找換店及銀行的參考滙價，以港人較常光顧的百年找換店滙率計算，兌15,000日圓需1,032港元；以滙控或恒生當時滙率兌同額日圓，需付1,040元。如果唱150,000日圓，到找換店唱比起銀行，慳90港元，差唔多就係一碗拉麵嘅價錢。
YBPay設有獎賞制，每次兌換外幣或滙錢，都可賺取每個價值相等於港幣1元的YBcoins，可以當錢用，用戶向推薦朋友平台，雙方都可獲取20個YBcoins。現至7月底，成功註冊新用戶即可獲50個YBcoins。記者使用了70個YBcoins，所以唱15,000日圓，實際只需961港元。
YBPay其中一個合作夥伴人民找換店的職員表示，平台同時方便了客人及找換店，從客人角度，「客人喺一個平台上就可以睇到價錢，同埋可以睇到啲乜嘢找換店近自己」，另一方面，找換店可以預計大概有咩客人要咩貨幣，方便準備。職員指，用了該平台不足半個月，幾乎每日都會收到訂單，預計長期會對生意有幫助。
記者：曾木秀