薯片三文治？
葉子騫咁樣寫……兩片方包，一片抹上花生醬，一片抹上沙律醬（沙律醬種類繁多，相信他謂港人有理冇理一般稱為沙律醬的蛋黃醬Mayonnaise），然後放上薯片（味道自選）夾在一起，即掂。
吃落颼颼聲，又香又脆，真係好好好好味㗎！
你試過咩？
好似本書你作嘅一樣！
問我嗰位真係欠咗啲水平，住過英國，仲係似我美式肥死你垃圾食品未全面入侵嘅年代、亦即英國冇乜好嘢食，所以一直生產超瘦名模：Jean Shrimpton、Twiggy等等及後來Kate Moss。
薯片三文治簡直當年午飯萬人迷，家陣集體回憶；不過這抹回憶仍然新鮮，沿用細水長流，一個香港仔寫食加入這一課，從此香港食譜才算真正走進國際。
緊記，英人不叫薯片做Chips，係叫Crispy。
八十年代，邊使減肥㗎？
除咗廿歲出頭，新陳代謝勁過法拉利跑車。
住倫敦邊度有嘢食㗎？
早餐一杯咖啡一塊牛油果醬多士，午餐一份薄到飛起三文治一杯果汁，下午茶一杯茶一件餅或Danish Pastry，晚餐哈哈哈……小小青豆、小小紅蘿蔔、小小粟米、一小塊雞或兩條仔炸魚跟幾兜炸薯條或小撮薯蓉。
稍為令人開心？
午餐不用方包，用外皮脆、內容軟類豬仔包嘅Bread Roll，抹上Cream Cheese，灑兩粒鹽，一抹黑胡椒粉，放入當年學校樓下Marks & Spencer發售薯片，蓋上，閉起雙眼睛等候上下顎合埋，咬下，嘩！甩甩聲，脆、軟、香，簡直一日三餐唯一高潮。舔舔脷之間，不期然感恩哥倫布，冇佢發現新大陸傳回舊世界之新大陸南美洲原產，點有今日行走餵飽全人類嘅薯仔Potato？
香港怨氣重，時時都需要笑聲救地球；唔介意笑到甩肺，唔信你買本萬里出版，十九風流新派貼地廚魔葉子騫新作《廢青日常食譜》，邊睇食譜，邊煮好西，邊享受廢餐，無邊無際笑餐飽！