資深傳媒人曾智華、張宏艷牽頭出版嘅新書《原來天使在身邊》，集合咗50個橫跨政商界嘅知名人士嘅小故事。新書舉行分享會，編輯張宏艷同八方講，邀稿時曾經收到分享人生光明嘅故事，當時立即打畀供稿作者ban稿，要求提供人生中最核突、最失敗嘅故事，因為點樣面對崎嶇不平嘅人生，先可以鼓勵面對「樽頸位」嘅讀者！
張宏艷話好多人喺人生唔同時候，都遇到樽頸同挫折，而佢同朋友曾智華早前傾偈，發現好多人喺人生最艱難時期會遇上帶佢哋走出谷低嘅「天使」，因此有呢本書誕生。
八方睇過本書目錄，前立法會主席曾鈺成、房委會資助房屋小組主席黃遠輝都係作者。
張宏艷話每位作者都會喺新書內吐露真人真事，分享自己點樣跌倒、站起來嘅經歷，以自身經歴鼓勵一眾讀者。