搵工可能係人一生最最最大挑戰，單單寫求職信已令人充滿挫折。英文唔好？唔曉突出優點？天呀！唔想面試機會永遠係0，求職信一定唔可以求其。《果籽》搞咗一場「一擊職中」模擬面試，搵咗資深人事顧問、職場專欄作家張慧敏（Alison，人稱Son姐）及金融公司CEO、前JP Morgan執行董事葉耘開（Cliff）擔任面試官，指點求職者迷津，大談面試宜忌。
三位參與的求職者競爭PR & Marketing Officer職位，包括舞蹈老師Emily、從事廣告製作的Nasper及應屆大學畢業生嘉寶，面試前三人分別撰寫求職信給Son姐及Cliff審批。
Son姐：「寫求職信來講，三個都唔及格。求職信同CV係倚天劍同屠龍刀，相輔相成。有啲資料履歷表已經有，根本唔使再寫喺求職信。求職信內容應該係你對呢份工嘅認識、你點解應徵同埋你點解適合呢份工。」Cliff認為Emily的求職信顯露性格，有獨特之處；Nasper串錯字、文法毛病多，字體細到閱讀有困難，Cliff謂：「平日收到肯定唔會細睇。」相比之下，嘉寶比較懂得帶出重點，英語表達能力也較好。
Englishtown英語導師Robert對於Emily的求職信都有意見。「Emily用太多感嘆號，又多次用awesome呢個字，令封信睇起來唔專業、唔formal。」最後Son姐提醒唔好用古靈精怪email address發求職信。「Sexy bomb我都見過，我以為你係一樓一或者thisav要來應徵。」
記者：葉青霞
攝影：黃子偉、梁志永、潘志恆、鄧鴻欣、張志孟
唔知Cover Letter啲英文寫得好唔好?免費幫你執靚佢
http://bit.ly/cv-proofread
對interview冇乜信心?嚟個免費模擬面試啦!
http://bit.ly/freemockinterview
寫CV令人頭都大埋？原則係中point、簡潔、整齊，讓人一目了然，很多私人資料都可刪去。