【本報訊】「我唔止冇後悔，反而覺得引以為榮。我可以算係史上首位為爭取可持續發展而被取消議員資格嘅人」。出任建築、測量、規劃及園境界立法會議員僅9個多月的姚松炎，因宣誓時於誓詞加入「為香港可持續發展服務」等字句，最終被法院褫奪議席，他形容是次DQ風暴是以明日的釋法去推翻昨日的宣誓，法治已死；失議席兼面臨沉重訟費，姚依然樂觀，認為事件揭露政府及中共的邪惡，反可為民主運動添新能量。即使時間短暫，自問為議會注入新的議政手法監察政府。
被褫奪議員資格後四天，姚松炎在立法會大樓外接受訪問：「法律精神係你嘅行為，係透過對法律資訊去判斷係咪犯法，𠵱家冇咗，用筆寫字係咪犯法你都唔知，因為聽日可以釋法。」作為釋法風波的受害人，他卻反過來安慰他人，明白大家會憤怒及不滿，但「今次輸嘅只係一仗，勝負乃兵家常事」，認為此事可揭露中共邪惡面目，不會被蒙蔽，從此角度看，事件就變得有意義。
稱積極考慮參與補選
當日放棄大學教席全職從政，參選時自言實驗室就在社會。這個社會實驗算不算失敗收場？姚不認同，自言近一年已在議會做了好多「實驗」，由選舉、城市規劃、審議工程到提升議政水平都是一例。他說目前要將手頭工作交予其他民主派議員跟進，個人會在議會外繼續進行社會實驗。他稱積極考慮參與補選，但勝算只是一半，因此要兩條腿走路，若不能重返議會，亦要在議會外推動公民社會。
去年參選立會，目標是民主派取過半議席，成執政黨就不用抗爭，事隔一年連自身議席亦不保，姚仍堅信當初那套，揚言力推民主派搶攻下屆區議會及立法會選舉，「有種宿命論講：冇用啦，到時又DQ晒你。其實就係我哋不斷透過呢啲戰役去迫令佢（中共）露出真實、邪惡面目面對國際……若你咁宿命，一係死咗佢，一係移民啦」。
談及安頓員工、面對沉重政治及財政壓力等，他都說得淡然，「如果係政府採用最極端行為，追收驚人訟費，行管會又追收300幾萬，可能我要宣佈破產，到時咪搵嘢做……其實唔使太擔心我收入問題，我有專業牌照，喺大學任教，我嗰科好易搵到工做……」
■記者陳雪玲