到咗今時今日，仲有唔少人講起女足仍然會覺得係一班球員姐手姐腳，射門乏力之餘，頂頭槌更加係唔會見到。如果係咁諗，就真係要睇吓今屆嘅女子歐國盃。女歐盃決賽周星期日喺荷蘭揭幕，打頭陣嘅東道主荷蘭，就係憑雲迪辛頓（中）喺下半場嘅頭槌破網，以1:0擊敗前冠軍挪威。至於同屬A組嘅丹麥，咁啱又係憑住杜絲嘉嘅頭槌，以1:0挫比利時，雙雙旗開得勝。