【本報訊】82歲的倪匡每天睡13、14小時，最愛上網、煲內地劇，「聽講《我的前半生》好睇，都諗住睇吓。我睇大陸電視台，我咁反共嘅人，哈哈哈」，他坦言因早已不看無綫等本地電視台，「一個電視台做到自己係白癡唔緊要，但唔可以當觀眾係白癡，我做乜嘢要俾你當白癡箒」。
倪面色紅潤，但自言年邁，有不少小毛病，「致命嘅病反而冇，咁仲麻煩，哈哈」。閒時與契女施陳麗珠飲茶，「但出外舉步維艱」。
秀才不出門能知天下事，倪匡認為港鐵等強推關愛座未必是好事，「夾硬要好容易起衝突。後生仔見到老人家、孕婦上嚟，都應該即刻讓座」，但長者亦無理由呼喝年輕人讓座，「後生仔話，你點知我唔係發緊燒，生緊病箒？有啲老人家倚老賣老」。倪匡又指，「有次印度青年都讓座畀我，我都唔要，我寧願企吓」。訪問約在北角，熙來攘往，倪老穿着美國網購的寬布褲，腳踏黑色型格涼鞋，雙手撐着木枴杖，悠然地等候接送的房車，確有點像《天龍八部》的少林掃地僧，一位隱於市的武林高手。
■記者翁煜雄