英格蘭繼U20梯隊奪得世青盃後，另一支「幼獅軍團」亦喺格魯吉亞舉行嘅U19歐國盃決賽以2:1力挫葡萄牙稱霸（圖）。英軍靠效力阿士東維拉嘅伊沙蘇利文先喺50分鐘建功，雖然六分鐘後車路士青訓產品杜莊史達寧擺烏龍，但最終尼美查幫英軍射成2:1奠勝。英格蘭班小國腳今夏好威水，U19同U20捧盃而回，似乎就咁睇，班大國腳就最失威。