藝術家、音樂人有作品回顧展，唔出奇，估唔到酒店商廈都可以有回顧展，講緊嘅係利園酒店與利園一期回顧展。
年輕人應該未必知道，銅鑼灣利園一期原址以前係利園酒店，利園酒店1972年開業，上世紀70至90年，係受歡迎酒店之一，後來拆卸，改建為利園一期，至今已經有廿年。
為慶祝20周年，業主希慎（014）、西苑酒家同Cova一齊舉辦回顧展，利園一期地下有展覽，包括飲勝吧、彩虹館嘅餐牌同宣傳單張、酒店客房用品、酒店西餐廳Pavilion餐具等。西苑將於10月底前，提供彩虹館菜式，開業廿年嘅Cova喺限期內亦有特別菜式提供。
