林盛斌（Bob）昨日在筲箕灣為新片《西謊極落：太爆．太子．太空艙》拍攝宣傳片，該戲是講香港土地問題，他說：「我同太太拍拖頭兩年，喺旺角住百幾二百呎，一廳一房，雖然唔係太差，但諗到將來結婚生仔，就畀我好大動力去賺錢。」現時已換大屋的Bob說：「都係當投資，我都係租畀街坊，將來咪租畀啲女囉，不過我想同太太二人世界。」