練馬師高伯新這天（14日）帶同兩歲兒子到場督操，練者手推單車，其子則緩步緊追其後。臨近收操時份，高伯新與史卓豐、麥偉利、田泰安等一眾騎師留在機坪開會，年幼囝囝就在旁靜靜地等待，沒有扭計，甚為精靈乖巧。
至於全朝高伯新最緊張的賽駒，毫無疑問是角逐周日（16日）第十場三班1200米草地的「快利」。
此駒最近7月1日才打開勝門，復課仍勤操猛練，連同今朝由外籍騎馬人出試在內，短時間內已跳了三課之多，臨唞暑仍不惜花費體力，可見爭連捷決心極大。而高伯新今朝亦吼實「快利」一舉一動，有晒搏殺動靜。
「快利」上仗同程1200米贏得輕鬆，今仗路程、騎師不變，再配史卓豐駕輕就熟，雖然升班對手增強，但3歲馬未完全長成，升班只需負115磅好跑得多，加上抽5檔有利，當然不可睇低。