【爆相爆片】被喻為MK Pop始祖的E-kids，現年37歲的成員阮民安（Tommy）日前被發現搭港鐵時霸佔關愛座，而當時不遠處就有位長者因沒坐位而需要站立。讀者李小姐目擊Tommy不讓座整個過程，透過本報「爆相爆片」報料：「嗰日星期一，大約下晝5點幾放工時間，我喺油麻地站上車見到佢坐喺關愛座。當時車廂都幾多人，附近又有個白頭髮嘅婆婆，佢都冇企起身讓座，我唔清楚佢係扮定乜，不停喺度玩電話，但佢又戴咗黑超，都唔知係咪望到手機畫面。」
下次嘔血都起身
對於被讀者指摘霸佔關愛座，Tommy接受電話訪問時說：「我呢啲貼地歌手絕對會搭港鐵，因為我係窮歌手，相信大家唔會覺得Tommy仔有錢，可能大明星搭公共交通工具係親民，我呢啲梗係兜踎啦！」
Tommy解釋當天早上因肚屙不適才需坐下來：「關愛座其實都係想畀啲有需要嘅朋友，咁老友記梗係大晒啦，梗係覺得畫咗公仔就係佢哋坐，但我哋呢啲廢青都有唔舒服時候。」他續說：「至於附近有白頭髮婆婆，我呢啲一分一秒都要諗營運工作，比較緊張email、WhatsApp，未必留意到，下次見到老友記喺度，我無論嘔血又好，肚屙又好，都會立刻起身讓座，唔好意思。」
買錯碼變踩踭鞋
李小姐還指Tommy穿了不合尺碼的鞋，對此Tommy說：「對鞋買細咗，不如踩踭啦，又唔想嘥咗佢！唔知係咪年紀越大，連隻腳都大埋，下次買鞋買大半碼至得，可能有啲人認為係fashion都唔定，多謝大家關心我將Vans變拖鞋。」此外，台灣型男霍建華去年亦曾訓示過一位坐在關愛座的fans：「沒有人坐你也得讓啊。」
採訪：皓騫