溫碧霞日前被爆與結婚17年的富商丈夫何祖光分居，她連日被傳媒追訪，亦有在微博出圖解畫：「一段婚姻關係的變化不一定代表，二人的感情破裂。」昨日中午，溫碧霞由兩男一女陪同抵達機場，身穿吊帶裙的她，右手戴了鑽石戒指，臉容有點憔悴。
價值觀不同
眾人辦理登機手續後，溫碧霞停下與傳媒做訪問，她苦笑：「其實我想講兩個人嘅相處，冇可能永遠都風平浪靜，可能一定會有啲小風波，我哋兩個由開始到𠵱家都係兩個世界嘅人，我係artist，我係好emotion嘅，佢係一個生意人，可能我哋會有好多睇法都唔一樣。」對於婚姻破裂問題，溫碧霞承認二人各有各忙，少了溝通：「其實唔係大家諗得咁嚴重，17年嘅感情唔係話分開就可以分開。」
事件發生後，溫碧霞表示二人仍關心對方，問到會否給對方多次機會？她強忍淚水說：「發生咗呢件事後，我發覺最緊要係大家開心囉，亦都希望要珍惜對方！」再追問二人是否處於冷靜期？她就表示：「其實一路都冇話要離婚，雖然係分開咗一段時間，完全冇咁嚴重，只不過係要時間諗清楚，我哋嘅問題喺邊，兩個喺埋一齊，冇可能成日都咁開心㗎嘛。」最後，問到老公是否不支持她的演藝工作？她就想了一想：「佢一直都好support我嘅。」當問到兒子的問題，她就未有回應，行入閘口離港。
採訪、攝影：陳俊強、畢紹
