現年33歲的李彩華（Rain）入行17年，樣貌、身材依然保養得宜。今年她更出動黑絲黑底、開胸露背殺入書展，火併一眾「肉女」，推出入行以來第一本寫真集，為她拍攝的是Angelababy的好友郭碧棋（Mikoco）。
Rain接受《蘋果》訪問時表示：「好開心畀我遇到Mikoco，佢真係好正、好勁，好多相唔使點執已經好好。」又透露今次影相是在好趕急的情況下，因為她要劇接劇，經常不在香港，而Mikoco同樣是大忙人，幾經辛苦才夾到兩日檔期影相，Rain說：「今次喺香港取景，有啲直頭喺Mikoco屋企影，我估計都影咗5,000張相，好多都好靚，好多都被迫捨棄。」
買相機影私照
今次大晒身材影寫真，Rain自爆所有相片都有給男友何遠恒過目。笑問Rain是否測試男友的底線？會否影全裸照珍藏？她說：「講起都幾好笑，影完呢輯相，同佢講將來有機會都想影一輯激啲，冇幾耐就見到佢買咗相機，話將來由佢操刀。」不過她就笑指男友完全不懂攝影，平時都是她教對方角度的重要性，但男友表示學定冇壞。
問Rain是否介意男攝影師為她影性感相？她表示現在還沒去想，但她很欣賞Mikoco，不排除將來會再度合作。
採訪：小米