噚日朝早上市儀式，有位嘉賓相當搶鏡，佢並非低胸短裙靚女，而係Focus Media（8112）行政總裁（CEO）黃雄基，52歲嘅黃雄基keep得好唔在講，佢手上隻過百萬元名錶實在搶鏡。
黃雄基原來係愛錶之人，佢話「玩錶嘅人都鍾意Richard Mille」，佢當然有儲喇，佢話手上呢隻舊年買入，過百萬元，全球限量33隻，佢好似買得好隨意，話「有朋友公司上市就買隻賀下」真夠豪。
而佢呢日就係賀來自新加坡、做車皮革內飾嘅TOMO（8463）上市，公司細細隻，市值3億唔夠。睇番資料，黃雄基來自新加坡，曾於新加坡軍隊服役6年，之後開始做生意，支持同鄉都好合理。