科技日新月異，如今每人都持有至少一部智能電話，就連馬圈中人在練馬過程中，亦都開始將科技融入，以令馬匹訓練更具效率，從而讓馬匹狀態提升得更快。
例如在4月時，日本練馬師堀宣行派「新寫實派」來港出爭女皇盃，在沙田馬場進行操練期間，鞍上人曾配備護目鏡。
該鏡配合馬肚帶內的裝置，具有即時監測功能，可顯示馬匹心跳及速度，騎師及練馬師從中遂可準確掌握馬匹的速度和耗力程度，從而為馬匹進行最適當的操練。
遠在英國最近亦透過科技，達至省時慳力的練馬方式，當地Kingwood牧場發明了一部全自動練馬機，引起馬圈中人關注。
該機為一部懸掛式機器，育馬者會將馬匹的身軀固定在特定位置。當練馬機在軌道旋轉移動時，幼馬便相應地繞圈行踱，作為本身落跑道操練前的熱身工序，而練馬機速度比傳統行馬機略快。
不過，不少馬迷即時質疑其成效：「韁口及出腳等，部機點可以教到隻馬？同快版行馬機分別唔大。」
有網民認為保護動物團體或會聲討，引起不必要麻煩：「真係似虐畜，盞俾啲保動團體捉住嚟鬧。」
亦有馬迷擔心馬匹途中有意外怎算：「啲馬踱踱吓有事，唔似有人騎住可以即時收停，要俾佢拖住行。」