香港海防博物館又有新展覽，呢次係以戰地記者做主題！展覽名為「出生入死：戰地記者」，展出近30張珍貴戰爭相片、相機、保護衣、防毒面具等戰地記者嘅裝備，亦有相關新聞報道及圖片，涉及嘅包括克里米亞戰爭、兩次世界大戰、甲午戰爭、以及近代嘅伊拉克戰爭等，藉此令大家更認識戰地記者工作嘅險況，其中亦包括香港傳媒參與戰爭嘅報道同展品，包括《蘋果》記者喺2003年採訪伊拉克戰爭時所着嘅保護衣同防毒面罩，係首次展出㗎！
海防博物館助理館長李家樂透露，展覽籌備咗好耐，想透過戰地記者嘅報道，畀公眾認識到戰爭嘅殘酷，反思和平嘅可貴呀。展期即日起至明年1月31日，免費入場。想知邊件係八方同事借出，記住去睇睇啦！
