【本報訊】慘死鐵騎士胡文源（圖）是孝順仔，生前肩負照顧老父重責，經常到老人院探望。家人一方面不敢向老父提噩耗，老父亦在被告郭栢林受制裁前撒手人寰，憂戚而終。死者兄長昨控訴被告所受懲罰太輕，「呢啲邊係制裁？他朝有一日我撞死人，都去法官面前喊苦喊忽，話『唔覺意』」。
被撞至頭盔飛脫、命喪青葵公路的胡文源（52歲）是家中孻子，有四兄姊及年邁父親。他在香港機場地勤服務有限公司任職運輸，去年上班途中遇禍，至死前仍是獨居，後事要靠朋友及兄長處理。文源的四哥昨對判刑表示無奈及失望，「一定係輕（判），益咗佢」。四哥稱：「隊死人，最低限度都十碌八碌；𠵱家判40個月，咁個個都識隊死人啦！」至於停牌，四哥認為「呢啲人根本唔係唔小心！佢要再犯嘅，你停10年都冇用」。
四哥受訪時聲線一直難掩悲慟及憤慨，家人一直不敢向父親透露死者出事，但父親良久見不到兒子，也顯得越來越憂心，「我都唔敢講佢（父親）最終知唔知」。
辯方早前求情指被已預備賣樓賠償給死者家人，但四哥昨直斥：「噏㗎啫，冇聯絡過我哋。」他表示現階段未知會否向被告索償。
■記者伍嘉豪