如果要數改名最頻密嘅上市公司，1178呢個冧巴應該數一數二，1178多年前叫「天年生物」，舊年4月改名做「天年集團」，去到舊年11月又話改名做「共享經濟集團」，原因來來去去都話改名可以反映公司業務之類。到咗噚日，公司又話要改名嘞，今次改為「匯銀控股」，又係要更有效反映公司業務發展。人哋生仔就話三年抱兩，1178兩年唔夠改名三次，又係咩玩法呢？