新地新閱會食住書展熱推出跨媒體免費閱讀平台「linepaper」，希望透過生活化內容鼓勵年輕人閱讀。平台由Roundtable出版同製作；點解叫linepaper？原來係online加paper嘅結合，方便大家隨時上線展開喜「閱」之旅。
佢哋首月專訪咗Google電子書實驗負責人，亦有簡單infographic介紹書本進化史等，當然必不可少嘅係介紹香港同世界各地好書、作家學者分享創作同閱讀心得，仲特設英語專區介紹英文作品！
陶傑噚日亦有出席啟動禮，佢話喺香港「阿貓阿狗」都可以出書，形容部份書嘅內容「差少少先合格」，希望出版同寫作界精益求精，又指劉曉波嘅觀點值得被整理成書。