蔣嘉瑩於96年參加Big Echo Karaoke歌唱比賽奪冠軍，及後主唱亞視劇集《我和殭屍有個約會II》主題曲《假如真的再有約會》而廣為人熟識，當時更曾推出一張唱片，被封為「翻版容祖兒」。2000年，當時只有19歲嘅蔣嘉瑩，就被傳媒拍下同英皇娛樂嘅老闆楊受成去君悅酒店歎茶，爆出楊生有意簽多個「祖兒」，之後更傳出佢早年喺加拿大溫哥華時，曾與謝霆鋒拍拖，報道更指，霆鋒當年同蔣嘉瑩拍拖時，總不忘照顧妹妹謝婷婷，三人經常喺溫哥華Richmond一帶耍樂。
對於有傳佢曾經同霆鋒拍拖一事，當年蔣嘉瑩就透過助手回覆傳媒：「Vivian(蔣嘉瑩)幾歲就移民溫哥華，佢同霆鋒及婷婷係好朋友，以前霆鋒溫哥華個女朋友，Vivian都識得嘅！至於同霆鋒係咪拍過拖，呢個只係傳聞嚟啫！」