昔日阿根廷「戰神」巴迪斯圖達，早前表示自己受舊患影響，現時連行路都有困難，他表示主因是兩邊足踝的軟骨及肌腱都已經完全磨蝕，所以近200磅的體重只由雙腳的骨頭承托，每行一步都是骨撞骨下，產生無日無之的痛楚，甚至令他無法落床，要在床上失禁。
前港隊球員鄭兆聰表示，其實巴迪高喺職業生涯冇受過咩嚴重傷患，日積月累嘅勞損同用太多止痛藥先係元凶。
鄭兆聰：「佢冇乜大傷，主要傷患就係膝頭哥同腳眼，但一向鬥志好，就算有輕傷，就食藥同打針格硬踢，冇足夠時間休養，結果第一就令到佢自己要早啲收山，第二就係而家退咗休後，都有啲健康問題，例如行路唔係好自然，有後遺症。不過，好多80、90年代球員都會有呢啲情況，鬥志都係好強。佢而家都冇咩劇烈運動可以做到，除咗打高爾夫球，近況就係參與多啲教練工作，我諗佢未來都想喺阿根廷國家隊有貢獻，或者做教練。」