「行行出狀元」這句話看似老生常談，但那怕是從事運輸，「（只要）做好自己嘅話，一定有人留意到」。38歲的謝家傑（Eric），10多年前毅然輟學，投資數萬元投身運輸行業，10年下來，由月入少於6千到現在擁有逾10人的車隊，營業額達40萬；分享成功之道，他說適者生存，際遇從來不是從天而降，要靠自己開創，貨van仔都有出頭天。
「細個唔讀書，大個做運輸？」原在大專學院念高級文憑課程的Eric自言不是讀書的材料，即使有興趣，奈何記性欠佳，始終應付不了考試，毅然在2001年離開校園，最初做過文員、亦曾在親友的汽車零件店工作，其後決定創立自己的事業，當時汽車零件店的店主正是啟發他創業的人。
Eric形容這位老闆做事勤力、小心，凡事親力親為、少埋怨及富責任心，耳濡目染下，開始覺得要有自己的事業，結果2003年沙士期間，拿着父親賣掉舊車得到的3萬多元，購入貨車，開展運輸事業，「最初真係冇諗咁多，諗住有得做咪做」。
沙士入行 月入僅6千
適逢當時市道低迷，生意欠佳，但Eric未有氣餒，堅持只要肯做，「應該唔會餓死」；亦因為從汽車零件店老闆身上，學懂做人及做生意態度；適者生存，試過月入只有6千元，要問朋友借錢供車，窮困時試過日日捱麵包，咬緊牙關捱過低潮過後，事業開始平步青雲。
「做得好一個客，其實啲人會嚟搵你㗎喇！」這是Eric做生意的態度，「譬如客人用完車，佢好開心、或者甚至當咗我係朋友嘅，我覺得會高興過我收佢嘅車費」。成功之道豈只一個因素？他看待車隊的司機，猶如自己的兄弟，「唔好覺得佢係幫你搵錢嘅工具」；「搵食車」品牌不變（Toyota HIACE），卻每3、4年更換，令顧客感覺新鮮；而對服務行業人員來說，最重要還是待人以誠，結果「返頭客」不絕。
誠心就事成，Eric深信際遇從來不是從天而降，而是自己創造：「我覺得你若做好自己樣嘢，一定會有人望到，而望到之後，嗰啲人可能會暗地裏畀機會你……可能幾年後佢先打電話畀一個機會你，但係嗰個機會，就係你發夢都諗唔到，呢個就係際遇，個際遇其實你係有能力自己一手創造出嚟。」
■記者呂浩然