35歲嘅黃心美(Scarlett)以前大家會標籤佢係「心穎BB家姐」，o依家大家會叫佢「ViuTV一姐」，喺ViuTV有唔少發展機會，不過感情方面就相對沉悶，最近就被指同保釣烈士陳毓祥之子陳安立拍拖，不過佢就好決絕咁否應。
其實Scarlett喺早年曾經同當時拍拖5年半嘅台灣籍老公Thomas結果，不過結婚4年半就決定離婚，Scarlett喺早前接受訪問，佢仲講到由拍拖到離婚呢十年時間，佢同老公都係異地戀，未試過同居。講到離婚，Scarlett仲話律師曾經想幫佢爭取贍養費，不過問到佢老公每個月有幾多收入，佢竟然唔知，因為佢從來唔會理。
離婚又點會唔傷心吖！好彩有個好細妹安慰佢，Scarlett仲講過原來喺佢決定離婚之後，心穎BB因為擔心家姐做傻事，就算瞓覺連眼鏡都唔除，有咩事一擘大眼就可以望住家姐，兼夾捉實佢隻手咁瞓，難怪佢哋姊妹感情咁好啦！