【本報訊】「IT狗，你的資料真的很有用」，教科書的一張圖，意外成為IT人經常用作自嘲的代名詞。「我經歷過兩次裁員。」Athena說，她是一名UX（User Experience）& UI（User Interface）Designer，專門寫網頁及手機應用程式，入行短短六、七年，卻已被炒兩次。
「佢哋好多時唔理解，一個App背後真係好需要好多人力物力。好多時炒都係炒IT狗先」，事實上不少大機構，一如早前滙豐（005）、國泰（293），要裁員均先後向IT部門開刀，到底IT的價值是否常被低估？
12歲開始寫網頁
身為局內人的Athena指，「IT一個部門有數百人，各有不同職務，我哋識嘅技能都唔同」。有次公司突然要她「救命」，出差到很遠的地方，她到達才發現，其實公司需要的並非她這個職位的人，但對方大感不惑，反問「我哋有programmer，點解唔得？」可見更多時候，被低估是源自不理解。
提到為何成為IT人，Athena稱12歲已經開始寫HTML、code，上至網頁設計、下至字體大小全都自家製作。回想當年，大家擁有Xanga account已經「好威」的年代，她已研究怎樣編寫一個blog。
曾在英國留學的她，原本修讀數學學士課程，「嗰時讀讀吓書覺得唔對路，可以的話我唔返學，就係做自己嘅嘢，知道成績唔會優異到入投行做嘢，最終或者只會做普通白領的話，點解唔努力啲，做自己真正喜歡嘅嘢」，於是她未完成學位便投身IT界。
記者：陳家恩 倪敏慧