任達華嘅獨生女任晴佳（Ella）話咁快已經12歲，仲遺傳咗媽咪琦琦嘅模特兒身材，擁有黃金比例兼有一對招牌長腿。呢幾日日琦琦趁Ella放暑假，兩母女去咗美國旅行，昨日琦琦再喺微博貼咗去環球影城嘅新相，兩母女影合照時，只得12歲嘅Ella，身高已經去到媽咪耳仔，要超越媽咪，絕非難事。
琦琦喺微博留言：「迎著38度高溫，我們和女兒及小伙伴們一起來環球影城玩，這應該是世界上最為(好)玩和充滿樂趣的一個地方，我們在尖叫聲，和笑聲中渡過了非常好玩和開心的一天。」仲tag咗老公任達華話：「 希望下次你可以一起來玩。」
隔咗一個鐘，任達華就即留言回覆老婆：「等我，等我8月一齊尖叫，一齊進入童話世界，陪伴家人是必須的。」