電子競技（eSports）熱潮近年席捲全世界，剛過去的IEM卡托維治站比賽，網上直播觀眾更達破紀錄4,600萬。小小螢幕裏，除轉播選手神級操作，更隱藏台前幕後工作人員的精心策劃，無論是主播的旁述與分析，抑或是導播的動畫特效及即時圖表，都能幫助觀眾全方位認識並領略比賽精采時刻。
導播即時製圖分析
「對面係揀咗打野伊莉絲配搭中路馬爾札哈呢個組合呀，單捉能力係相當之高㗎！」一邊緊盯螢幕，一邊寫下筆記，正職為大學生的老星，坐上主播台後即「上身」，口若懸河為比賽實時配上旁述。
熱愛遊戲《英雄聯盟》（LoL）的老星，3年前見到有網站招募電競主播，「本身有睇好多比賽，發現佢哋（主播）可以將一場沉悶嘅遊戲變成好吸引」；膽粗粗應徵，由塘邊鶴搖身一變成為參與者。
他指電競主播角色猶如講波，須即時旁述，「點解（隊伍）一開始會行去某一個位置？係習慣定係針對某一個對手？點解揀呢個角色？」遇到突發事件，就要主播執生，「選手有機件、網路問題可以叫停比賽，主播就要不停講嘢吸引觀眾繼續留低睇」。
老星稱不是每個觀眾都熟悉隊伍的打法、風格，有時亦要顧及初次看比賽的觀眾，要提供全面資訊，全靠事前做足功課，包括翻看大量比賽錄影，以配合畫面實時做出分析，「唔單止睇精采戰鬥畫面咁簡單，亦要由主播去帶動氣氛」。
台前由主播催谷比賽節奏，台後就要靠導播控制大局。從事影像製作的文少，曾憑電影《神探》獲金像獎最佳視覺效果提名，4年前獲電競公司邀請，協助舉行不同電競比賽，即將負責8月份旅發局主辦的電競音樂節。他指要做電競賽，最簡單只需要一部電腦；若是較專業的賽事，10個選手加上主播每人都要一部攝影機，全部要連接電腦，再即時在畫面上加入動畫特效等，「我哋𠵱家早一兩個月已經準備緊」。
要令機迷或一般觀眾明白賽事內容，文少指除轉播電競遊戲畫面，最重要是有即時分析，如同足球評分，提供各項圖表如個別選手在團隊戰鬥時的貢獻，「我哋會用programming（程式）直接喺遊戲攞數據，即時用chart（圖表）話畀觀眾知，令更多觀眾理解選手做緊乜，掌握得更加好」。
旅發局主辦的電競音樂節8月4至6日舉行，文少指本地電競製作人才不多，「𠵱家做得最多係『繙譯』，要話畀班做開演唱會嘅人知比賽有乜需要，又要話畀電競人知搞show係點嘅」，笑言做得辛苦但樂在其中，希望屆時無論是否機迷都睇得開心。
■記者佘錦洪