美國萬通慶祝舊年總公司成立165周年，特登請咗「神奇小子」曹星如（Rex）擔任代言人。大家都知道Rex打拳犀利，但原來佢眼仔細細，面對鏡頭好自然之餘，望耐咗仲有幾分韓星味道。
最近食住政府推公共年金產品個勢，全港年金市佔率最大嘅美國萬通再落力賣廣告。Rex今次就化身「韓星如」拍咗條「年金的後裔」廣告片，三套神劇《來自星星的你》、《鬼怪》同《太陽的後裔》嘅造型Rex都輕鬆carry到，佢仲重演綁鞋帶、接手機等經典鏡頭，又show咗幾句韓文，望落真係幾有星味㗎。
Rex就話，好多人問過佢打拳可以打到幾多歲，但其實流星拳都會有停落嚟嘅一刻，所以佢都有幫襯買咗份終身年金，認真識賣口乖。