動物傳心師被有線玩一玩，忽然火紅到燒燶埋，一身𤓓味，有朋友笑言自己養咗一對獅子，最近仲好威武，今日股價仲見到九年新高，搞到我都心郁郁，想將滙控（005）門口對銅獅子，呀史提芬（Stephen）和施迪（Stitt）張相傳畀傳心師，問下到底獅子變小飛象，到底可以飛到幾遠？
當日滙控剛上70蚊，我無加注小飛象，走去買咗建行（939），自覺傻仔，棄強勢股唔買，仲被buy side朋友笑，話等到恒指升上28000點，我應該可以到價云云。滙控日日被大媽用北水追捧再捧，再俾朋友笑一輪，話炒股未能熟知大媽心理，當然熱愛外國貨，買外資銀行，點會買國貨內銀？今日大摩配合，吹下摩笛，建行有得升，至少有貨係手。
內險、內銀齊升，看似國指短期將會強勢過恒指，大家買牛牛都要企好邊啦。
Melody
http://www.facebook.com/whichroad
本欄逢周三刊出