有郭Sir嘅財經節目，自然有靚女主播。
今次民眾財經台有四位小花坐鎮，除咗中港美女，仲有韓國佳麗。有港大國際公共關係碩士頭銜嘅金雨萱（Queenie），有韓國血統，識韓文之餘、普通話水平一級，之前喺財經新聞網做主持，有人物專訪經驗，亦參加過內地節目《非誠勿擾》。
其他主播包括由耀才（1428）過檔嘅畢純紫（Christy），佢喺韓國大學獲新聞放送學士同城大新媒體與傳播碩士，一樣韓語普遍話了得。
中大畢業嘅吳筱蘭（Livia），之前係港台財經節目編輯兼主持；包曉倩（Cecilia）就係中國傳媒大學國際新聞系畢業，中大新聞系碩士，同樣有採訪同主播經驗。
郭sir話，四位主播將會輪流拍住佢做直播節目，但同時都有仔細分工，包括節目安排、輪商、ETF資訊、同內地網站聯繫、人物專訪等，各有崗位。