會德豐地產旗下Club Wheelock噚日舉行成立5周年酒會，「鋼琴王子」陳雋鶱（Phoebus）擔任司儀兼表演嘉賓。
Phoebus除咗彈琴叻，年紀輕輕已經屬「鋼琴界樓神」，今年37歲嘅他，最少買過5次樓，透過買樓增值財富。
佢自爆，28歲時首次置業，靠20萬元首期，以200萬左右買入西營盤第三街一個中小型單位﹔之後喺大角嘴同皇后大道西買舊樓收租，同樣係樓價200萬至300萬細價樓。佢認為，買樓投資首要地點，如果地點好，不愁租客。
Phoebus之後越買越豪，曾以超過900萬元向會德豐買入西半山Babington一個單位，因為換樓，2、3年前已經賣出，搬咗去何文田窩打老道山過千呎四房戶。佢目前有兩層樓揸手，包括何文田自住物業同皇后大道西收租物業。
問佢點睇樓市，佢拋出各大發展商嘅「樓神」成日講嗰句，就係話睇過去歷史，樓市永遠唔會有事咁話。