友邦香港以往開記者會推保險產品，前港區一哥陳榮聲（Jacky）同市場部一姐謝佩蘭（Bonnie）都會親自出馬，不過，陳榮聲升職後已經退居幕後，新一哥顧培德（Peter Crewe）仲係真人不露相，搞到Bonnie要形單隻影。
問Bonnie新老總有冇畀新任務或者業務目標，佢好例牌咁答，話同以往一樣以客為本，而且公司有行政委員會，係團隊形式運作。事實上，Jacky升任區域首席執行官後，香港區業務仍然係佢旗下嘅。
至於Jacky同Peter喺管治風格，有冇差別？Bonnie講笑咁講:「一個講中文，另一個講英文囉」，不過佢讚Jacky有遠見，在任期間要求行政委員會即使全部係香港人，都用英文開會，相當國際化。結果，港區家陣出咗洋人一哥。