大台長做長有嘅經典舊歌節目，唔講得少，集集都搵到唔啲好耐冇見、好耐冇上台唱歌嘅明星參與節目。
如果大家記得，早前王馨平喺《博愛歡樂傳萬家》已經中門大開咁唱過名曲《別問我是誰》。而前日嗰集經典舊歌，終於輪到王馨平喇。
48歲王馨平喺節目先唱咗《請不要再等》（《別問我是誰》普通話版），之後帶咗亞視去無視……正確啲講，係唱咗亞視經典劇集《我和殭屍有個約會》嘅主題曲《夢裡是誰》。
呢個經典舊歌節目，湯寶如係主持之一，順理成章梗係要同王馨平一齊合唱《美少女戰士》，睇住佢兩個由少女變成熟女，背對背咁樣做出一個Sailor Moon手勢，依舊一樣咁有魅力。