禮拜三（12日）谷草煞科戰用A欄作賽，睇番上季谷草煞科亦係用全闊A跑道，當晚頭六場賽事均由守前四位入直路之馬匹勝出。
其中「綫路神駒」及「實力飛駒」更一放到底，不過到尾三場卻分別見到「怡德」、「永旺年年」及「順勢寶」居中後上建功，所以都要提防壓地後臨場形勢會逆轉。
今戰列陣馬中，第四場四班1200米「劍凌雲」（蘇保羅馬房）上仗正是於谷A欄贏馬開齋，亦係全場唯一贏過A欄之參戰馬，勝後等番同一移欄再跑，睇部署強配雷神，有心想添食。
另外，角逐第七場三班1800米「精算博奕」（蔡約翰馬房）三次跑谷A欄獲冠亞殿各一，再報強項，同由雷神操刀，有力贏馬補中。