睇開中港市場嘅李灝澐（Alexander）早排離開星展唯高達，走去創業成立對沖基金，星展唯高達證券董事個位，就搵來成日寫blog嘅永豐金證券（亞洲）研究部主管李聲揚（Ivan）接任。
39歲嘅Ivan港大精算系畢業，係地道香港仔。去永豐金證券前，喺馬來亞銀行投行金英證券（Maybank Kim Eng）主力研究中港銀行同保險股多年，係中資金融股專家。
不過，有別於一般分析師，Ivan除咗股票之外，都寫唔少貼地評論，自己仲有個facebook page「華麗后台」。好似最近就寫咗篇關於贏在射精前嘅文，講下80後點樣難買樓，慨嘆好在自己係七十尾出世，相信港人好有共鳴。