歐陽佩珊原名陳潔英，曾是無綫及麗的當家花旦，前日不幸因肺腺癌逝世，終年63歲。她從影多年由電影轉到電視台發展，演出過不少膾炙人口的角色，合作過的演員更不少。郭鋒昨日接受電話訪問，問到亡妻身後事安排時，他說：「家人朋友安排緊，我唔講咁多啦。」飽受喪妻傷痛的郭鋒，聲線平靜而且非常有禮貌。
秋官嘆嚟得好突然
歐錦棠昨日在facebook發文，悼念這位在亞洲電視曾合作過的前輩，他昨日接受電話訪問時說：「未入行細細個就識佢，喺因為睇佢套電影《瓊花仙子》，覺得佢好靚。阮兆輝輝哥做反派，同劇仲有林錦堂演華光。珊姐真係好靚，所以入到亞視見到佢同合作，感覺特別強。」他記得當年跟珊姐合作《鬼做你老婆》的輕喜劇，劇中珊姐演一隻女鬼，他說：「嗰時新人一名，雖然珊姐喺廠唔多嘢講，不過好照顧後輩，亦都好專業，鏡頭背後冇聽過佢講一句是非。」他透露當時身為無綫人的郭鋒，不時會到亞視錄影廠探老婆班，非常恩愛。
鄭少秋跟歐陽佩珊先後合作過《一劍鎮神州》及《楚留香》等劇，他昨日接受電話訪問時說：「我聽到呢個消息，嚟得好突然，我都諗唔到，我識個武指都跟佩珊學氣功，話佢氣功好有效，佢應該健康身體好。希望佩珊一路好走，郭鋒節哀順變。」為悼念歐陽佩珊，無綫經典台本周五起重播一連15集由她主演的劇集《懷念歐陽佩珊：發現灣》。
採訪：陳杰、李森
