日本女星真木洋子形象性感又風騷，曾經係男士們心目中嘅索爆人妻。真木洋子前年同男星片山怜雄離婚後，令佢豐滿身形一度創出新高，年前宣傳名導是枝裕和電影《比海還深》時更有雙下巴。不過，真木洋子最近現身就比早前消瘦不少，仲顯得有點病態，令人擔心其健康狀況。
34歲嘅真木洋子同前夫育有一個8歲大囡囡，目前佢正趕拍周四開播嘅主演富士電視台新劇《瑟西爾的企圖》，日前開設twitter帳戶，10天內已有8萬網民追隨。除咗為雜誌拍攝性感寫真宣傳外，真木洋子連日來都有亮相節目造勢，只見佢面無半両肉，而且瘦到起晒角，加上臉容又十分憔悴，完全唔似只得34歲。