【本報訊】教育局公佈2017年度升中派位結果，本年4.7萬名適齡中一學生，獲派首三志願比率為76%，屬4年來最低；於統一派位獲派首志願比率亦跌至六成，較去年跌5個百分點，計算自行及統一收生獲派首三志願的整體滿意率亦跌2個百分點至九成。有校長估計，比率下跌或源於學生人數回升，屬正常現象，預料叩門競爭較以往激烈，籲家長切忌盲目追求名校，應選擇適合子女的學校。
記者：葉偉東
本年共47,203名學生參加升中派位，自行分配學位及統一派位中獲派首志願的學生人數佔76%，較去年減4個百分點，亦屬2013年以來最低獲派首志願比率。
津貼中學議會主席潘淑嫻指，獲派首三志願率跌，源於學生人數回升，及部份家長期望過高，「家長對仔女嘅期望可能同實際情況有落差，可能會喺為子女填表嗰時，填啲佢哋個別認為較優秀嘅學校，向高處試吓」，加上去年相關比率高，或令更多家長選擇學校時偏向進取，最終首三志願落空。
因學生人數回升
她又預計，今年叩門人數增加，「因為滿意率低咗，對啲家長嚟講，呢個可能就係佢哋最後機會」，但強調家長應注意子女學習需要，不應盲目追求成績好的學校，「如果你揀咗間唔適合仔女讀嘅，佢可能讀得好辛苦或唔開心……每個學生都有佢嘅長處，應該揀間適合佢哋嘅學校」。
獅子會中學校長、前津貼中學議會主席林日豐指，學生人數由谷底回升，「要有心理準備（派首三志願比率）持續跌幾年」。目前學生人數仍在低位，本年仍有4,000個剩餘學額，其中以屯門、港島南區及東區較嚴重，但相信會持續改善。
至於有中學協議不收同區叩門生，潘淑嫻指做法非協議，「可以話一個默契、共識」，以免加劇區內學位競爭；屯門中學校長會主席、仁濟醫院第二中學校長余大偉則稱區內未有相關協議，「主要因為近年學生人數少，獲派首三志願比率較過往高，多咗滿意派位嘅家長，叩門會相對少，呢幾年屯門區都比較靜」。
港島東區張祝珊英文中學校長歐振強指，該區學校間曾討論收生安排，「大家都係有個共識，唔收同區叩門，但都有啲學校會有個別安排，例如係專收新移民學生」，其校本年則不設叩門位。
