求驗客手記：
神隱三日 黎洛賢有冇份入U22？

香港U22足球代表隊噚日喺九龍仔復操，為下周開波嘅U23亞洲盃外圍賽備戰，而教練金判坤（小圖）話今日收操後，就會定出邊23位球員去平壤，至於連續幾日「失蹤」嘅「壞孩子」黎洛賢有冇份去，今日就有分曉。

港U22踢完緬甸四角賽，但冇幾多日齊人操練，噚日就有鍾偉強、姚浩明同黎洛賢缺席，而出名紀律麻麻地、今季轉咗去流浪嘅「BB」黎洛賢，就更加連續三日「失蹤」，不過，流浪fb上周貼咗佢幫流浪踢硬地小球嘅相喎（圖），冇傷冇病唔跟港隊操？我求大俠收操後就問Kim sir黎洛賢仲會唔會入選，佢冇正面回應，但就承認有球員因家庭、傷病等原因缺席，亦唔排除驚去北韓出現身體不適，而球隊名單就會有三至四個變動。