一般區議員助理，月薪都係8,000至萬二蚊，仲要返足5至6日，假日又要隨時候命，如果嫌辛苦，大家不妨考慮跳槽，幫公民黨離島區議員容詠嫦打工。
八方近日見到容詠嫦刊登招聘廣告，聘請議員助理，份工睇落都幾「筍」喎，月薪15,000蚊，講明工作時間，返朝九晚五，每星期工作三日，只係須要返一、三、五，立法會議員請地區嘅議員助理都冇容詠嫦出手咁高。
認真睇吓呢份工嘅要求，就知出手高唔係冇原因。除咗要求學歷有專上教育，亦要擁有10年經驗，公民黨俾人話係大狀黨，應徵做容詠嫦嘅議助，都要接受司法訓練者優先。最重要係返工地點喺愉景灣，未必人人啱做。