韓國天團BIGBANG隊長G-DRAGON（GD）早前展開世界巡迴演唱會，上周五巡迴到泰國曼谷，卻於前晚第二場演唱會中發生意外。當他在台上演繹《少年呀》時，疑未有留意升降台已降下，一時踏空跌落窿，全場粉絲大嚇一跳，工作人員亦立即衝上前詢問情況。及後GD繼續演出，不過有粉絲指GD疑似扭傷腳，要扶着腰慢慢行。
GD完騷後立即趕搭飛機返韓，於粉絲拍得的短片可見，GD仍然可以與工作人員急步行入機場，推斷傷勢不算嚴重，但粉絲則擔心GD扮冇事。GD昨日清晨包到冚抵達韓國，隨後他所屬的YG事務所發聲明澄清GD因及時反應，當時安全落地，並冇受傷。
撰文：文康妮