吳若希為澳門男友Alex誕下囡囡Giselle後，昨日現身將軍澳出席夏日祭揭幕禮，明顯升Cup不少的她卻刻意封胸，吳若希笑說：「呢個係留畀我個女食㗎，日頭食人奶，夜晚食奶粉。」她自言想生夠四個，希望之後追仔再生孖胎。她又承認為Alex朋友將BB相放上網而大動肝火：「同未來奶奶都唔想BB個樣出街，都有為呢件事同男朋友講過。」
早前有網民指吳若希為錢而與人睡，氣得她與網民罵戰，更拿囡囡來發誓，她說：「真係冇做過，所以先會咁講，我承認當時好激動，但𠵱家覺得好儍，有時間都同BB傾多啲偈。」她並否認與未來奶奶不和，年尾會和Alex先註冊，明年舉行婚禮。
採訪：黃曉妍
攝影：陳慧安