已報本周三（12日）快活谷五班1650米，李易達馬房的「金叻星」一直在低班浮沉，但卻可累積5捷，總獎金超過300萬，無論如何都稱得上一匹低班好馬。
目前已經8歲的「金叻星」已屆老年，不過戰鬥力看來仍不錯，上仗於5月下旬，配小將吳嘉晉跑四班谷草1200米，走勢甚佳得第四，明顯馬兒近態仍佳，未因年老而鬥心下降。
值得留意係「金叻星」上仗拼後，李易達即有大動作部署，首先一早飛起嘉晉仔，安排馬兒試兩課大閘，力谷狀態，包括早在上月10日，已換上騎功高幾皮的柏寶初次接手試閘，之後柏寶再親跳六課之多，其備戰之積極及柏寶之重視程度，好似跑大賽那麼認真。
其實李易達咁做唔難理解，本周三係「金叻星」相隔逾兩年半32個月以來，首次重返五班作戰，對手實力大減，增程回師最擅長曾兩捷之谷草一哩，係今季最後機會，梗要力操好好把握啦