特首林鄭月娥日前一番力撐蔡若蓮的言論，提早為她引爆政治炸彈。據知曾有立會議員及教育界人士，私下力勸政府不要任命蔡做教育局副局長，以為政府會聽意見，怎知林鄭卻貶低教育界反對聲音，等同宣戰；但亦有政界中人提出「陰謀論」，懷疑林鄭想做期望管理，「只要唔係蔡若蓮做副局，就算係建制派中人做，教育界都唔會再有太多反對聲？」
有教育界中人稱，自傳出蔡若蓮做副局長後，不少政界及教育界人士也向林鄭及教育局局長楊潤雄反映，蔡絕非合適人選，「唔只係佢（蔡）紅色背景咁簡單，而係佢根本冇咁嘅能力」。當時他們得到感覺是林鄭想找一名來自教育界的人做副局，亦不想找一個太有爭議人選，「林鄭想修補同教育界關係，唔係想開戰」，所以他們以為林鄭或會另覓人選，「甚至有教育界人士同政府講明，只要搵個中性啲嘅人選，就算嚟自親政府陣營，教育界亦唔會咁反對」。
助另覓建制派任副局
有政界中人稱，民主派議員表明反對蔡做教育局副局長，教協亦揚言動員9.7萬會員反對，「就算林鄭一意孤行撐蔡做副局，到時民主派、教協聯手杯葛佢，呢個副局都廢咗一大半武功」，同時亦難以做到國家主席習近平團結包容要求。
亦有政界中人提出「陰謀論」，「林鄭冇理由唔知佢咁講，一定辣㷫教育界，事實係佢一講完兩日，反蔡若蓮簽名就由5,000升到過萬」，懷疑林鄭是否有心「刺激」教育界，令她有更充份理由另覓其他建制派副局人選？「如果仲有人係堅持要佢（林鄭）用蔡若蓮，咁日後有教師、家長上街，就唔好怪佢（林鄭）」。
季陶
周一、三、五刊出