車路士前鋒迪亞高哥斯達（DC、右）盛傳同領隊干地唔妥，離隊呼聲極高，又話下一站係重返馬德里體育會。弊！唔係你愛隊喎，球迷可以點做？土超比錫達斯球迷就發動超過270萬名鍵盤戰士洗版，瘋狂喺DC三日前上載嘅最新照片留言：「Come to besiktas！」無他嘅，比錫達斯上月一段ig短片竟獲得DC畀like，難怪球迷有遐想喎。講開土耳其「網軍」，原來費倫巴治一樣做得到，話說荷蘭中場史奈達極可能離開加拉塔沙雷，於是費倫巴治迷就喺twitter發動「#Sneijder ComeToFener」嘅hashtag攻勢，更一度殺上「全球趨勢榜」，力量絕對唔比中國網軍遜色！