中國第一艘航空母艦「遼寧號」最後一日開放給獲派參觀券的公眾登艦，昨早8時陸續有市民到場。
不少市民今次其中一個目的是近距離觀看中國的殲15戰機，從事交通運輸的陳先生表示，相信未來兩年的航空母艦技術會超越遼寧號，「所以先開放畀我哋睇，如果唔係軍事科技唔會開放」，但他錯誤將殲15戰機說成「F15戰機(美軍)」，「(今次)最主要睇下F15戰機……」。
陳先生又指，遼寧號於7月7日抵港，聯想到蘆溝橋事變，讓他想起中國的屈辱，希望透過遼寧號讓新一代了解，「中國依家局勢比以前好咗好多，但仍然危機四伏，當一個國家積弱，國民咩都唔係，所以最重要係國家強大」。
任職金融行業的陳先生則覺得遼寧號是「國家軍事實力強大嘅一個表現，遼寧號可以嚟到香港畀我哋市民參觀，覺得係對香港一個關愛」；又指「作為一個市民會有興趣睇一睇，同埋係一種榮幸」。
從事醫院工作的溫先生表示，主要是上遼寧號拍照，又指最期望看到殲15戰機。他說：「其實我本身鍾意睇相同乜都睇下嘅！」適逢有此機會和時間，所以早前排隊索取門票參觀。