黃秋生前晚突然喺fb爆seed喪鬧「王老吉」(王晶)，佢喺fb話呢位「王老吉」周圍叫人唔好用佢，咁到底係咩事呢？喺佢文中講咗唔少貼士，當中包括文雋、劉強（劉偉強）、嘉禾、原著漫畫、頭髮同長鬚等等。
睇嚟秋生喺98、99年曾經先後拍過都係由漫畫改篇劉偉強執導、文雋監製兼都係由嘉禾有份投資嘅《風雲雄霸天下》同《中華英雄》，而喺兩套戲中秋生分別飾演劍聖以及金傲同樣造型都係留有長白髮及長鬚，似乎同秋生講嘅非常脗合。
眾所周知喺90年代秋生曾經因為患有甲狀腺疾病，仲去過英國接受治療，及後仲需要長期服用醫生處方嘅類固醇藥物，令身形暴脹，體重更急升至208磅，而拍《風雲雄霸天下》同《中華英雄》正正就係當時所拍。據知，秋生所講嘅正正就係佢同文雋、劉偉強第一次合作的第一部漫畫改篇作品《風雲雄霸天下》。
其實甲狀腺疾病非常常見，近年圈中曾患有甲狀腺疾病嘅藝人就包括苟芸慧、衞蘭等。